על הנסיעות לאומן

כִּי אִישׁ הַיִּשְׂרְאֵלִי צָרִיךְ תָּמִיד לְהִסְתַּכֵּל בְּהַשֵּׂכֶל שֶׁל כָּל דָּבָר (ליקוטי מוהר''ן קמ''א)
איך האב בלעה''ר מערערע ברסלב'ר חסידים אין מיין אונגארישע משפחה כולם אהובים כולם ברורים, אבער זיי זענען נעביך אזוי פאריאגט און אויסגעשעפט בגוף בנפש ובממון פון שאטלען אהין און צוריק צום רבי'ס ציון אין אוקריינע אז איך טרעף נישט דעם געמוטליכ'ן מינוט זיי א אפרעג צו טוהן: אפשר נאך אזויפיהל נסיעות קענט איר יונגעלייט מיר אויך מסבר זיין: מנא הני מילי ומאי כולי האי.. און וויאזוי פונקטליך ארבעט אין הימל דער דאזיגער תיקון, ס'קימערט אייך נישט דאס ס'שטימט עפעס נישט אזוי שטארק מיט'ן משנה אין פרקי אבות - ולפני מי אתה עתיד ליתן דין וחשבון.. און עיקר מעיקרי הדת פונ'ם רמב''ם'ס י''ג עיקרים- שהשי''ת מעניש לעוברי מצוותיו.. איז דאס טאקע נאר בתנאי דאס ער האט נישט געמאכט זיין נסיעה נאך אומאן און געטוהן די פארטיקולארע עשיות..? יא, ס'ווערט טאקע געברענגט ביי רבי נתן דאס דער רבי האט אפגעשפעט דא און דארט דעם רמב''ם. אוקיי, נישקשה זייער פיין, דער רמב''ם קען דאס לייכט פארנעמען.. אבער דאן וועל איך אייך פרעגן וואס איז נעביך געווארן מיט די חטאים און דינה של גהינם פון די אלע אידן ווי אייער וואוילער גוטער זיידע וועלכער האט אפגעלעבט דיינע יארן און נישט געהערט פונ'ם ברסלב'ר רבי'ן אדער די הונדערטע דורות פאר רבי נחמן.. מען ברויך דען נישט עפעס אויסטראכטן פון זיי אויך..

די בקיאים אין די ברסלב'ער סיפורים בכתב און שבעל פה וויסן דאך וואויל דאס רבי נחמן זעלבסט האט מבטל געוועזן דברי גדולים וקדמונים ווען זיי האבן לפי דעתו נישט ג'שטימט. און דער דאזיגער נערוועזע געפארעכץ קיין אומאן שטימט דאך להדיא נישט מיט רוח התורה נבואות הנביאים ודברי חז''ל, ועאכו''כ דעם ג-ט געגעבענער רגש און שכל האנושי וואס קאנסטיטוטירט דעם מותר האדם על הבהמה..

יעדן פאלס, ווי משונה'דיג איך אייער פעטער קען נאר זיין, ער איז דאך נישט טאטאל משוגע, און פארוואס זאל איך וועלן גיין לאיבוד אין גהינם.. בוודאי נישט. אבער איך האלט זיך מיט די מעטאדן פון ניצל ווערן מדינה של גהינום וואס חז״ל האבן אונז אוסגעשטעלט. ולכל צרה שלא תבוא האב איך מיין אייגענעם פלאן: ווען איך וועל קומען בבוא יומי צום עולם האמת, און אינ'ם פאל דאס איר זיינט גאר גערעכט געוועזן און רבי נחמן בן שמחה פיהרט דארט דעם רעדל אינ'ם פאזיציע פונ'ם פולבאמעכטיגטער גוברענאטער פונ'ם שאול תחתיות אינסטיטוציע, וער העריין און ווער הערויס.. וועל איך דעם רבין שיין גיבן א העפליכן שלום עליכם און קושן די הענד בכבוד הראוי, איבערגעבן א ווארעמע גרוס פון אייך מיינע וואוילע בדלות׳טע ברסלבר פלומעניקעס און איידל זאגן: דאס דא בעולם האמת בין אויך א שטיקל יחסן ווייל מיינע זעקס געשוויסטער און ביידע באבעס זענען קדושים פון די שואה.. און איך האב זעלבסט מוטגעמאכט אביסל יארן פון שפלות ועניות און מקבר געוועזן צוויי קינדער.. דערפאר בעט איך אייך רבי נחמן טייערער מאכט נישט קיין גרויסן עסק פון וואס האב פארברענגט די ראש השנה'ס אינדערהיים מיט מיין ווייב און משפחה, חציו לכם מיט עונג יום טוב איז דאך ממצוות ה', נישט מצער זיין די פרוי איז אויך אשטיקל עניין, און אייך רבי האב איך סיי ווי נישט געפעהלט צום מניין און טראסק אין אומאן.. און צווישן אונז, מאי כולי האי ווען איך האב שוין געזאגט אנדערע קאפיטליך תהילים לפי הסדר און געטיילט צדקה אין לאנדאן..  השי''ת איז דאך דער זעלביגער השי''ת ולית אתר פנוי מיניה..  נו רבי נא'ט אייך א שפיץ בארד און פאה גיט שוין למען השם דעם נויטיגן שלעפ. ווייל דא שטיין נאך לאנגע קיוס פון אידן און איד'ענעס וואס ווארטן פאר אייך אין די ווילדע היץ וואס קומט הערויס פון שערי גהינם.. 

יהודי פשוט

ומדי דברי 

מודה אני לחתום בשם מתקן על דבריה של המאן דאמר החדשה (פרופסורית שלא מדברת כחוקרת מקצועית חרוצה אלא כשוחרת תשומת לב הפוזלת לאינטרסים וציבורים מסויימים) שהועתקו מהעיתון כלכליסט שהופיע שלשום ואם יואיל לבדוק בגוגל הקדוש ימצא גם את מה שחושבים וממליצים אנשים כמו דוקטור פאוצ׳י ראש מערך האפידומולוגיה בארה״ב והאדונים הדי מעודכנים באירגון הבריאות העולמי ועוד מאות מובאות  בנושא נשאותם של ילדים. לצערי לא מדובר כאן על ביטול מנהג ישראל או ספק איסור דרבנן אלא בנזקי בריאות מקצרי ימים וגם מוות. ועל כל הנאמר כרגע עדיין רב הנסתר בטבעו של ווירוס הקורונה ומקובל על הכל שאם לא יודעים אז נזהרים!! 

לשווא תנסו לעשות מהאדמו״ר מבעלז גיבור וחכם על בטיעונים של קש וגבבא. האיש החליק ביהירותו לנקודת השפל של הנהגתו,  ואין סליחה ולא מחילה וכפרה על מות בני משפחת אובערלנדר ואבדן חייהם ונזקי בריאותם של כל האחרים שניתן היה וחייבים היו למנוע. ודברי ההתחכמות רעי הריח במחילה באשר לשקלולי ״הנזקים הפסיכולוגיים והרוחניים של שמירת אמצעי ההשתמרות״ מול סכנת המות ונזקי הבריאות הממשיים והמוכרים הם נמוכים מכדי שאזדקק להם. כל טוב לך ידידי, וכמו שאומרים-בראשית בריא אז ברכת רפו״ש לאדמו״ר בתושח''י.

י.פ.

•