זייט מוצאי שמחת תורה איז געווען א פאר שטילע וואכן און דער ציבור האט געמיינט אז אויב וועלן זיי זיין שטיל וועט ראטטער זיך אויפפירן ווי א מענטש... קיינער האט נישט געמיינט, אבער דאך וויל דער ציבור רואיגקייט, אבער ראטטער האט אויסגענוצט די שטילקייט און אנגעהויבן צו אריין שטופן אברהם שלמה כ''ץ קעגן רצון פון רוב הציבור.
גלייך ווען דאס האט זיך אנגעהויבן האט דער ציבור נאכנישט געכאפט וואס גייט פאר, מוצאי יום הקדוש ווען ער האט געזאגט אז דער ר''י טאר נישט קומען אין בית מדרש צו די סעודה, דערנאך ווען כ''ץ האט אנגעהויבן צו פארלערנען א שיעור אין עזרת נשים פון בית מדרש א.א.וו., פארשטייט זיך אז דאס צינד אונטער דעם ציבור און דאס ברענגט צו צו שלעגערייען צווישן די צוויי צדדים.
ביי די קידוש ביים שבת עליה לתורה לבנו פון אברהם שלמה האט איינע פון ראטער'ס חברה זיך גערעדט אויפן ר''י אין בית מדרש אין שיכון פארשטייט זיך אז ביז 2 מינוט איז דער יונגערמאן נישט געווען אין בית מדרש וויל מ'האט איהם ארויסגעטראגן.
אינמיטן חנוכה איז געווען א חומש סעודה אין שיכון, דארט האט ראטטער באפוילן מ'זאל אוועק נעמען די בענקל פון ר''י, פארשטייט זיך אז אנשאט צו איבערדריייען די שיינע און הערליכע חומש סעודה איז א יונגערמאן אריבער צו א שכן נעבן בית מדרש און געברענגט א בענקל פארן ר''י, דרך אגב ביז יעצט האט מען נאכנישט צוריק געברענגט דעם בענקל, און ליל שב''ק צו די באטע האט מען בלית ברירה ווידער געברענגט א בענקל פון א שכן פארן ר''י.
שבת חנוכה האט שלמה זלמן דאסקאל געוואלט אראפרייסן די מודעות פון קהל וואס מעלדט פארן ציבור אז ס'גייט זיין א באטע מיטן ר''י אין בית מדרש, די סיבה פארוואס ער האט דאס געוואלט אראפרייסן ווייל ראטטער האט געוואלט כ''ץ זאל פירן אין בית מדרש, נאר די פאליציי האט איהם נישט געלאזט מ'האט איהם אפגעהאלטן פון אראפ רייסן די מודעות, און מ'האט זיך ווייטער געשלאגן אין בית מדרש.
צו די באטע זענען יחזקאל מיט זיינע פאר ליידיגייערס נישט געקומען, און ס'איז ב''ה געווען הערליך שיין, א געפאקטע בית מדרש.
מארגן נאכט גייט פארקומען ווי אלע יארן א צוזאמקום אין שיכון מיטן ר''י, ראטטער פילט אז ער קען נישט אריין קומען אין בית מדרש האט ער געטראפן א עצה דער רבי גייט רעדן אויף א הוק-אפ, לאמיר נישט פארגעסן אז דאס איז א מסיבה וואס גייט שוין אן יארן לאנג, און נאר דער ראש ישיבה טרעט אויף, נעבעך ראטטער האט נישט קיין מענטש וואס זאל אויפטרעטן דארט ווייל פריעדמאן, זיין דיין רעדט נישט צו די זאך איז מישט ער ווייטער אריין דעם רבי'ן אין זיין פריוואטע מחלוקת, און מאכט ווידער בושות פאר סאטמאר.
לאמיר האפן אז ראטטער וועט נישט האבן די כח צו חרוב מאכן די לעצט פארבליבענע גיטס וואס איז נאך געבליבן אין סאטמאר .
מיר וועלן ווייטער נאכפאלגן וואס גייט פאר אין בני ברק, די לעבעדיגקייט גייט אן די גאנצע צייט, און אלעס ווענדט זיך נאר אין ראטטער, אויב וועט ער מחליט זיין זיך צו זעצן צום טיש און מאכן שלום וועט זיין שטיל, ויילאנג ער וועט אנדרייען אז יעדן טאג זאל זיך דער רבי אריין מישן ווי אין א קינדער גארטן וועט לכאורה זיין לעבעדיג!
אין תגובות:
הוסף רשומת תגובה
שים לב: רק חברים בבלוג הזה יכולים לפרסם תגובה.